Nge ô ne ésoé é ngenan teke duban nge ke na ô ne ñyé’é Bible, ye ô mbili nsôñane ya duban? Amu jé wo yiane bi nsôñan ôte? Éyoñe bia ve biabebiene ngumba be Yéhôva a duban bia bi ngum aval élat a nye. (Bs 91:1) Mboan ôte wo nyii fe bia. (1P 3:21) Jé é ne volô wo na ô ve womiene ngumba be Yéhôva a duban?

Womien taté jeñe na ô kañese mam wo yé’é ane benya mejôô. Éyoñ ése ñye’elan éziñ wo kôme ki wo wô’é melo, vunu’u bekalate bangan. (Bero 12:2) Jeñe’e na ô yemelan mam wo yiane kôm ényiñe jôé, a jeñe na ô bo de a nkômbane ya ve Yéhôva nlem avak. (Min 27:11; Beép 4:23, 24) Sili’i nye mvolan éyoñ ése. Tabe’e ndi na, Yéhôva a ye volô wo a su’u wo a zene ya mbamba nsisim. (1P 5:10, 11) Yéhôva a nji ve’ele biasé ngule wo ve. Teke jam afe e ne mfi ényiñe ji ane e kañe Yéhôva!​—Bs 16:11.

YENE’E VIDÉO A NE NLÔ AJÔ NA, ZENE YA NDUBAN, MVUSE YA VALÉ, YALA’ANE MINSILI MI:

• Minju’u mivé bôte béziñ ba yiane dañ asu na be duban?

• Aval avé ô ne kui na ô bi abime mbunan da sili asu na ô ve womiene ngumba be Yéhôva?

• Jé é nga volô bôte béziñe na be bo mam ma sili asu na be nyoñe mbaptizô?

• Bibotane bivé bôte ba tyi’i na ba kañe Yéhôva ba bi?

• E ve womiene ngumba be Yéhôva a duban a tinan aya?