ÉNYIÑE BEKRISTEN
Tabe’e ndi na Bible a so be Zambe
Kalate Zambe a ne tyendé binyiñe biangan. (Beh 4:12) Ve, asu na bi nyoñe mfi ya fek a melep ma so été, bia yiane buni na a ne fo’o “mejô me Zambe.” (1Bet 2:13) Nde, aval avé bi ne tu’a tabe ndi na mam me nee Bible ma so be Zambe?
Lañe’e Bible môs ôse. Nté wo lañe nye, fombô’ô beamu ba liti na Yéhôva nnye a ne Ntene ya mam me ne été. Nge wo nyoñ éyoñe ya lañe kalate Minkana, wé yene na fek é ne été é nga’ane mfi melu mangane ma.—Min 13:20; 14:30.
Tobe’e nlô ajô wo kômbô la’ase. Jeñe’e na ô yem mam ma yemete na Bible a so be Zambe. Fombô’ô Ékpwelé asu ayé’é Bengaa be Yéhôva, kele’e vôm a ne na “Bible” a “A ne nsoane be Zambe.” Ô ne fe ke lañ Appendice A3 e Traduction du monde nouveau asu na ô tabe ndi na mam me ne Bible me nji tu’a tyendé.
YENE’E VIDÉO A NE NLÔ AJÔ NA AMU JÉ BIA BUNI . . . KALATE ZAMBE?, MVUSE YA VALÉ YALA’ANE MINSILI MI:
-
Aval avé mam ba koone me mfine ya Karnak, si ya Égypte, ma kôme yemete na Bible a so fo’o be Zambe?
-
Aval avé beyeme mam ba kôme liti na foé ya Bible é nji ve’ele tyendé?
-
Amu jé mbiane bi bili Bible den ô ne évemba jam?—Lañe’ Ésaïe 40:8
