Amu jé wo yiane kômesan? Môt ase ya be bia a ne teme môs éziñ a mbôô énoñ ôkone nda biañ. Ajô te, bo’o ngômôtô ése ja sili asu na, nge avale jam ete da kui wo, bedokita be saé wo avale da yian. Éyoñ bia kômesane nalé bia liti na bia semé ényiñ a atiñe Yéhôva a lat a metyi.—Mam 15:​28, 29.

Jé ô ne bo?

• Kôme’e ye’elane Yéhôva a jalé’é carte DPA. a Bekristen be dubaneya be ne sili bobejañ ba kabe bekalate carte DPA asu bebien, nge ke Document d’identité médicale (ic) asu bone bap be nga’ane bongô

• Nge ô ne abum, sili’i bemvendé afeb é ne na Informations pour les femmes enceintes (S-401). Afeb éte dé volô wo na ô nyoñe mbamba mintyi’an nté ô ne abum a éyoñ wé biaé

• Nge wo yeme na wé ke bômbô nda biañ, nge ke na bedokita ba kômbô ve wo metyi, ji’a kate de bemvendé, kate’e fe bedokita na wo yange na bôte ya ékôane Yéhôva be zu jome wo

Jé bemvendé be ne bo? Be ne volô wo na ô jalé carte DPA. Ve be nji yiane nyoñe mintyi’ane señe jôé, nge ke yemete wo na ô yene mam méziñ ane be. (Bero 14:12; Beg 6:5) Jé ja boban éyoñ wo kate bemvendé na ô bili ôkon bedokita be ne kômbô saé a metyi? Ba ji’a loone bobejañe ya Comité de liaison hospitalier (CLH) na be zu su’u wo.

Aval avé CLH a ne volô? Ékôane Yéhôva é nga yañele bobejañe ya CLH mfa’a ya na be volô bedokita a beloya na be semen été jangan a lat a metyi. Be ne laan a dokita wôé a kate nye mam a ne bo asu na a saé wo teke metyi. Be ne fe volô wo na ô yene dokita a ne saé wo teke metyi.

YENE’E VIDÉO A NE NLÔ AJÔ NA AVAL Ô NE NYOÑ MBAMBA MINTYI’AN A LAT METYI, MVUSE YA VALÉ YALA’ANE NSILI WU:

• Aval avé vidéo nyi a te volô wo na ô bo nkômesan nge da kui na be kômbô saé wo a metyi?

  Éyalane jôé