Bia yi na jam ese bia bo e ve Yéhôva nlem avak. (Min 27:11) Ajô te, bia yiane nyoñ mintyi’ane mia lu’an a ôsimesane wé to’o éyoñ teke atiñe da kobô ajô ya été jangan ne sañesañ. Jé é ne volô bia?

Bo’o mbane ya yé’é Kalate Zambe. Éyoñ ése bia lañe Bible, a ne ane bia lôt éyoñ a Yéhôva. Bia kui na bi yem ôsimesane Yéhôva éyoñ bia yen aval a mbe a bo’ok a bebo bisaé bé melu mvus, a éyoñ bia bindi mam me nga kui bôte be nga bo nye mewôk, nge ke ba be nga bo nye ébiasé. Éyoñ bi bili ntyi’ane ya nyoñ, mbamba nsisim a ne bo na bi ji’a simesane jam éziñ bi nga yé’é Kalate Zambe été.—Jn 14:26.

Jeñek. Éyoñ ése ô bili ntyi’ane ya nyoñ, sili’i womiene na: ‘Bifuse bivé ya Kalate Zambe bi ne volô ma na me tu’a wôk avale Yéhôva a yene jame di?’ Ye’elane Yéhôva, bela’ane fe bikpwelé bi ne nkobô wôé asu na ô yem miñye’elane ya Kalate Zambe mi tii a été jôé.—Bs 25:4.

YENE’E VIDÉO A NE NLÔ AJÔ NA BIA YIANE ‘KE MIMBIL A ÔJIBI’—JA’A MBA BIDI, MVUSE YA VALÉ, YALA’ANE MINSILI MI:

• Meve’ele mevé sita ya vidéo nyi a te tôbane me?

  Éyalane jôé

• Aval avé ô ne belane bikpwelé biangan éyoñ ô tele avale bité ete?

  Éyalane jôé

• Bibotane bivé bia bi éyoñ bia nyoñ éyoñe ya vune bekalate bangan a yé’é ôsusua na bia nyoñ ntyi’an?—Beh 5:​13, 14

  Éyalane jôé