Mbu ôse, Bengaa be Yéhôva ya si se be ne ôjeja’a ya sulan asu Mesimesa’ane. Bone besondô ôsusua na bia bo Mesimesa’ane a mvuse môs ôte, bia bo mam méziñ asu na bi lu’u Yéhôva a ve nye akiba asu ntañ. (Beép 1:​3, 7) Bia ve ngul ése na bi bañete bôte Mesimesa’ane. Bobejañ béziñ ba kôme nta’ane mame wop asu na be bo bekpwa’a mefane ya étun éyoñ Ngone lale nge ke Ngone nyini, ba jeñe na be kañete mewolo 30 nge 50 bengone bete. Ye wo fe wo kômbô nene ésaé nkañete jôé éyoñe ya Mesimesa’ane? Jé é ne volô wo na ô tôé nsôñan ôte?

E wô’ô bo tyi’ibi ya tôé nsôñan éziñ éyoñ bia taté kômesan. (Min 21:5) Mbôle môse Mesimesa’ane ô nga subu, éyoñe ya taté na bia kômesane ji. Wo kômbô nene ésaé jôé mimfa’a mivé? Ô nto ve taté na wo fas aval ô ne bo de, mvuse ya valé, ye’elane Yéhôva na a botane mengule wo ve.—1Jn 5:​14, 15.

Tame simesane bone minsôñan ô ne tôé asu na ô nene ésaé nkañete jôé éyoñe ya Mesimesa’ane: