BIDIMA BI MAME YA KALATE ZAMBE | ÉSAÏE 63-66
Mfefé yôp a mfefé si bi aye soo abui mevak
Yéhôva a liti na ngaka’a é ne kalate Ésaïe kabetôlô 65, é kobô ajô ya mfefé si wo zu, j’aye tôéban. Jôm te nje Yéhôva a bo je ane jam é tôébaneya.
Yéhôva a té mfefé yôp, a mfefé si, vôme b’aye bo te simesane mame ya mvus
65:17
Jé é ne mfefé yôp?
-
A ne mfefé éjôé wo ye bo na zôsô a yené e si se
-
Éjôé te é nga tebe mbu 1914 éyoñ Yésus a nga tabe éto njôan e yôb été ane Njôô ya Éjôé Zambe
Jé é ne mfefé si?
-
A ne angôse bôte da so mesi mese, minkobô mise, a avale bôt ése. Bese be bili beta mevak na be tabe éjôé Zambe si
Aval avé bi aye bo te beta simesan mame ya mvus?
-
Mame mese ma bo na bi wô’ô mintaé minsôn a minlem miangan été m’aye ke fe beta bo
-
Bôt be ne zôsô b’aye nyiñe nya ényiñi, a b’aye bi meva’a ya simesan ve mbamba be mam ba yene môs ôse
