AMU JÉ NALÉ A NE MFI? Bôte ba yiane tote jôé Yéhôva asu na be bi ényiñ. (Bero 10:13, 14) Ve sake bôte bese ba yé’é Bible mbe ba kômbô tôñe miñye’elane mi Yéhôva. Éyoñe jangan é ne dia, bia yiane yeme belane je asu ya na, bi volô bôte be bili nkômbane ya tyendé, a bo Yéhôva ésaé. Nge ñyé’é Bible a nji bo mame ma liti na a yaé nsisim, mvus abim éyoñ éziñ, bia yiane telé ayé’é éte, a ke jeñe bôte Yéhôva a dutu be nye. (Jn 6:44) Ve nge môt ate a su’ulane tyendé, a liti na a ‘bili nkômbane ya bi ényiñe ya melu mese,’ bi ne beta yé’é Bible a nye a meva’a mese.​—Mam 13:48.

AVALE BI NE BO DE:

• Se’e ñyé’é Bible a kômbô bi nya ñyemane.​—1Tim 2:4

• Liti’i nye mfi ya tôñe mam a yé’é.​—Lc 6:46-49

• La’ane nye éve’ane mbé afup Yésus a nga nyoñ, bo’o na a fase, sili’i nye jé ja bo na a bo teke yaé nsisim.​—Mt 13:18-23

• A évôvoé ése liti’i nye amu jé wo telé ayé’é dé

• Kate’e nye na wo ye ke ôsu a jome nye, nge loone nye na ô ve nye ngule nyul, kate’e fe nye na ayé’é dé é ne beta ke ôsu nge a tyendé

YENE’E VIDÉO, MVUSE YA VALÉ YALA’ANE MINSILI MI:

• E vidéo nyi, jé ja te liti na ñyé’é a nji yaé nsisim?

• Aval avé nkañete a te volô nye na a yeme na a yiane tyendé?

• Aval avé nkañete a te ve nye fane ya beta yé’é Bible?