Éyoñe Yésus a mbe si va, a nga liti mfi ya tôñ abendé di: “Tuka’a wô’ éso ba nyua.” (Nk 20:12; Mt 15:4) Yésus a mbe a yeme’e laan a bebiaé bé, amu ‘a nga ke ôsu a bo be mewôk’ éyoñ a mbe ésoé. (Lc 2:51) To’o éyoñ a mbe a nto nya môtô, a nga bo évevé na, môt éziñ a li’i a ba’ale nyia mvus awu dé.​—Jn 19:26, 27.

Melu mangane ma, bisoé bia bo bebiaé bap mewô’ô bia liti be ésemé. Atiñe da jô na bi semé bebiaé bangan e vo’o ki ke abo si. To’o bebiaé bôé be yômbôya, wo yiane ke ôsu a semé be, wo yiane yene mfi ya fe’e jap. (Min 23:22) Wo ye fe liti na wo semé bebiaé bôé be nto minnôm, éyoñe wo nyoñe be ngap mimfa’a mise. (1Tim 5:8) To’o ô ngenan ésoé, nge ke na ô nto nya môtô, e yeme laan a bebiaé bôé aye volô wo na ô semé be.

TATÉ’É YENE VIDÉO A NE NLÔ AJÔ NA, ME NE BO AYA NA ME YEME LAAN A BEBIAÉ BAM? MVUSE YA VALÉ, YALA’ANE MINSILI MI:

• Amu jé ô ne yen ayaé ya laan a bebiaé bôé?

• Aval avé ô ne liti na wo semé bebiaé bôé éyoñe wo laan a be?

• Amu jé wo yiane jeñ a mezene mese na, ô laan a bebiaé bôé? (Min 15:22)