AMU JÉ NALÉ A NE MFI? Nge “fe’e ya môt a bôndé nlem été é ne aval ane mendim me ne édok,” yeme na, minsili mi ne ane nlônga wo ke biete mendim édok ôsôé été. (Min 20:5) Minsili mia volô na, môte mia nye mia laane nye fe a kat ôsimesane wé. Éyoñ a yalane mbamba minsili wo sili nye, nalé a vôlô wo na ô yem asimesane dé. Yésus a mbe a yeme’e belane minsili. Aval avé bi ne vu nye?

AVAL AVÉ Ô NE YEME SILI MINSILI?

• Sili’i minsili mia ye volô môte na, a ve wo ôsimesane wé. Yésus a nga sili beyé’é bé abui minsili na a yem asimesane dap. (Mt 16:13-16; be p. 238 par. 3-5) Minsili mivé ô ne sili môte mia nye mia laan?

• Sili’i minsili mia bo na môt a fas. Asu ya na a sôan ôsimesane Pierre, Yésus a nga sili nye minsili, a ve nye biyalane mevale meval asu ya na, a tobe mbamba éyalan. (Mt 17:24-26) Minsili mivé ô ne sili môte mia nye mia laan?

• Se’e môte mia nye mia laan. Éyoñe ntili bekalate éziñ a nga ve mbamba éyalan, Yésus a nga se’e nye. (Mc 12:34) Aval avé ô ne se’e môt a ve wo mbamba éyalan?

TATÉ’É YEN ÉFAS ÔSU YA VIDÉO A NE NLÔ AJÔ NA: BO’OK ÉSAÉ YÉSUS A MBE A BO’OK, YE’ELE’E; MVUSE YA VALÉ, YALA’ANE MINSILI MI:

• Amu jé éve’ela ji é ne mbia éve’ela akusa bo na, mame mojañ a too a jô’ô ma too été?

• Amu jé bi nji yiane mane jalé môte nlô a mame mese bia yem?

YENEK ÉFASE BAA YA VIDÉO; MVUSE YA VALÉ, YALA’ANE MINSILI MI:

• Amu jé bia jô na mojañ a te yeme belane minsili?

• Wo kômbô vu mame mevé mefe ya éve’ela éte?