ÉNYIÑE BEKRISTEN
Volô’ô nda bôte jôé na é simesane Yéhôva
Ésaé Jérémie a mbe a bili é mbe na, a ve Bejuif abendé na, ayoñe dap é mbeme tyameban amu be nga vuane Zambe wop Yéhôva. (Jr 13:25) Jé é nga bo na ayoñ é bo ate’e nsisim abime te? Menda me bôte y’Israël me nga jañelé ayôñe dap mfa’a ya nsisim. Betebe ôsu ya menda me bôt me mbe teke tôñe mame Yéhôva a nga liti me ne ntilane kalate Deutéronome 6:5-7.
Menda me bôte me n’ayôñ mfa’a ya nsisim ma volô na, mekônda mangan me bo ngule den. Betebe ôsu ya menda me bôte be ne volô menda map na, me simesane Yéhôva a zene ya bi nya nta’ane mam asu Ayé’é ya Nda bôt sondô ase. (Bs 22:27) Éyoñe mi maneya yene vidéo a ne nlô ajô na: ““Mejô ma m’aye tabe nleme wôé été”
-
Aval avé menda me bôte méziñ ma te kui na ma dañe mam me wô’ô bo na ayé’é ya nda bôt é bo njuk?
-
Ma’ane mevé ma so éyoñe nda bôt é bili nta’ane mam asu ayé’é ya nda bôt sondô ase?
-
Éyoñ awolo y’ayé’é ya nda bôt da kui, mam mevé ma ndeñele ma, a aval avé me ne bo na me kôme me?