AMU JÉ NALÉ A NE MFI?: Kalate 1 Becorinthien a ne wua ya bekalate 14 nlômane Paul a nga tili asu na, a ve Bekristene bevo’o ngule nyul. Éyoñe wo tili kalate, ô bili éyoñe ya kôme tobe bifia wo tili, amu môt a ye lañe nye a ne lañe nye abui biyoñ. Bekalate be ne mbamba zene ya kañete bivuvumane biangan a bôte bevok bia yem. Bekalate be ne fe mbamba fatane nkañete asu bôt ô nji kui na ô yen a mis. Bi tame nyoñ éve’an: Éyoñ ôsu ô nga kañete môt éziñ, a nga liti na a nye’e Mejô me Zambe, ve éyoñ ése wo beta ke jeñe nye, wo koone nye momo. Abôta nkañete dangan, e ne bo ayaé ya yene bôte béziñ amu be to beta menda me ne minka’ale été, nge ke vôm a ne ayaé ya kui. Mam mevé bi nji yiane vuan, e dañedañ éyoñ bia tili môte bi nji yeme kalate?

AVALE BI NE BO:

• Tili’ ve ane mia nye mia laane minlañ. Atata’a ya kalate wôé, kate’ nye éyôlé jôé, a amu jé wo tili nye. Ô ne sili nye nsili wo bo na a fas, éyoñ éte nje wo lôme nye anjeñe mefoé dangan. Mvuse ya valé, kobô’ô nye ajô ya Ayé’é Bible nkol nge ke avale bia ye’ele bôte menda map, ô ne kate nye bekabetôlô béziñ nge ke miñye’elane miziñ ya bekalate bia ye’ele be bôt. Ô ne fe futi kate njoman, mbañete asu bisulan, nge ke tract éziñ abame kalate (enveloppe) été

• Te dañe tili abui mam. Te bo na môt a wô’ô some ya mane lañe kalate ase. Yene’e nkpwase kalate

• Kanda’ane lañe kalate ate na ô vaa bikop. Bo’o na a lañebane tyi’ibi, ane wo laan a mvôé jôé, a mbamba bifia. Va’a poste abime moné da yian asu kalate wo lôm