• Tili’i éyôlé jôé a vôm ô too. Nge wo ko woñe ya tili vôm ô too, ô ne tili vôm Aba Éjôé é tele nge bemvendé ba ve wo ôva’a ngule ya bo de. Ve ÉTYI te futi adresse wofise ya Béthel na nne môt a yiane yalane wo été.

• Nge wo yem éyôlé môt ate, tili’i je. Nalé aye bo na a bo te simesane na, wo kômbô kuane nye jôm éziñ.

• Kôme’e tili bifia mvo’é, semé’é mendem m’awo’on. Kalate a yiane yené abeñ, a mfuban. Nge wo te tili a mo, a yiane bo tyi’ibi ya lañ. Te tili mame me fianga, te tili fe ane wo tili masa éziñ.

Avale mame di nde ô ne tili kalate ate. Nalé a nji tinane na éyoñ ése wo tili môte ya abôta nkañete dôé kalate, wo yiane tili ve bifia bi ne va. Kalate ase wo tili a yiane bi ngumba nsôñan, a yiane fe lu’an a metume ya vôm ô too.