Jam e nga kui bone b’Israël minkôle ya Moab ja ve Bekristen beta ñye’elan. (1Bec 10:6, 8, 11) Bone b’Israël be nga taté na ba yeñ a binga ya Moab be mbe be bo’o mvine mame ya bisôk, be kañe fe bivuse bezambe; nalé a nga tindi be na be bo beta minsem mise me Yéhôva. Jam ete e nga soo be abui minjuk. (Nb 25:9) Bia fe bi ne mbôma’ane a bôte be nji kañe Yéhôva, a ne bo bôte bia be be bia saé, bongô be sikôlô bevok, bôte bia be be bia nyiñ, bivuvumane biangan, a bôte befe bia yem. Jé nkañete ya Bible wu ô ne ye’ele bia a lat a mbia be mam be ne kui éyoñ bia lat amvôé a bôte be nji kañe Yéhôva?

YENE’E VIDÉO A NE NLÔ AJÔ NA, BIVE’ELA YA KALATE ZAMBE BIA VE BIA BETA MIÑYE’ELAN​—ÉFAS, MVUSE YA VALÉ, YALA’ANE MINSILI MI:

• Mbia b’asimesane bevé Zimri a bôte bevo’o ba futi Jamin nlô?

• Aval avé Phinéas a volô Jamin na a bi mbamba ñyenane mam?

• Nsela’ane mbé a ne zañ e bo mbamba nlem a môt a nji kañe Yéhôva a bo mvôé jé?

• Amu jé bia yiane tabe ntyel éyoñ bia tobe bemvôé bangan to’o akônda été?

• Amu jé bi nji yiane ke fulan a nsamba bôt bi nji kôme yem beréseau sociaux?