Bi bili bevidéo benyin ba kobô ajô ayé’é Kalate Zambe. Vidéo ase ya été a bili nsôñan ôvé?

• Amu jé bia yiane yé’é Kalate Zambe? Nsôñane ya vidéo ate ô ne na bi ve bôte bese nkômbane ya yé’é Bible, teke fombô mbunane wop. A ve be nkômbane ya jeñe biyalane ya beta minsili ya ényiñe Bible été. A liti fe be avale be ne sili ayé’é Bible.

• Amu jé wo yiane yé’é Kalate Zambe? Vidéo ate a ne étun adañe nyi ôsu. Bia dañe belane nye asu bôt be bili ki abui éyoñ.

• Nne ba bo ayé’é ya Kalate Zambe aya? Nsôñane ya vidéo ate ô ne na bi liti bôt mfi ya ayé’é Kalate Zambe a yalane minsili miap a lat ayé’é Bible a jam be ne bo asu na be sili ayé’é.

• Aval avé ayé’é Kalate Zambe da ye boban? Vidéo ate a ne asu bôte ba kômbô yé’é Bible. To’o ba koone vidéo ate afebe baa ya kalate Bu’uban ényiñ nnôm éto!, bi ne nye liti môt asu na bi taté ayé’é nsoé kalate Bu’uban ényiñ nnôm éto! Vidéo a la’ase mam bia ye yé’é kalate.

Akusa bo mam mese bi maneya jô yôbe le, bi ne liti bôte bevidéo bete éyoñ ése nalé a sili. E ne mfi na nkañete mbamba foé ase a kôme yem mam me ne bevidéo bete asu na a yeme belane be nkañete.