Ngone nyini 29–Ngone tane 5
BESAM 34-35
Jia 10 a Meye’elan | Menyiine me nkobô (Nnute 1)
1. “Va’a Yéhôva duma éyoñ ése”
(10 min.)
David a nga ve Yéhôva duma to’o éyoñ a mbe a tôba’ane minjuk (Bs 34:1; w07 1/3 af. 22 ab. 11)
David a nga tabe Yéhôva ndi, sa ke a émien (Bs 34:2-4; w07 1/3 af. 22 ab. 13)
Duma David a nga ve Yéhôva é nga ve bemvôé bé ngule nyul (Bs 34:5; w07 1/3 af. 23 ab. 15)
Éyoñe David a nga lik Abimélec, befame 400 be nga ke ngame jé a koone nye nkôte si. Befame bete be nji be be nye’e éjôé Saül. (1Sa 22:1, 2) David a mbe a yiane simesane bôte bete éyoñ a nga tili sam ate.—Bs 34, mintilane mi ne atata’a ya sam.
SILI’I WOMIENE NA, ‘Aval avé me ne ve Yéhôva duma éyoñe ma ye laan a môt éziñ ésulane ja zu?’
2. Enjeñané bidima bi mame ya Kalate Zambe
(10 min.)
-
Bs 35:19—David a nga sili Yéhôva na bôte ba vini nye be bo te “nyetane dis.” Nalé a tinan aya? (w06 15/5 af. 20 ab. 2)
-
Bidima bi mame bivé ya nlañane Kalate Zambe ya sondô nyi wo kômbô kate bôte bevok?
3. Nlañane Kalate Zambe
(4 min.) Bs 34:1-22 (th sikôlô 5)
4. Yeme’e taté minlañ
(2 min.) NKAÑETE BIA BO ATEMETEM. Minlañe mia môte wo kômbô kañete mia tebe ôsusua na wo kañete nye. (lmd ayé’é 1 éfase 4)
5. Yeme’e bo minjoman
(4 min.) NKAÑETE BIA BO ATEMETEM. (lmd ayé’é 2 éfase 4)
6. Timi’ine mame wo buni
(5 min.) Sisia. ijwfq kab. 59—Nlô ajô: Jé ja volô Bengaa be Yéhôva na be yeme na abô’ô si abô’ô ka é ne mvo’é mise me Zambe? (th sikôlô 17)
Jia 59
7. Mezene melale bi ne ve Yéhôva duma bisulan
(15 min.) Minlañ.
Bisulane bia ve bia beta fane ya ve Yéhôva duma. Mezene melale bi ne ve Yéhôva duma bisulane mme ma.
Minlañ: Éyoñe wo laan a bôte bevok, kobô’ô be ajô ya mbamba be mame Yéhôva a bo. (Bs 145:1, 7) Ye wo te lañe nge wô’ô jam éziñ é ne wo mfi? Ye mbamba jam éziñ a nga kui wo ésaé nkañete? Ye môt éziñ a nga ve wo ngule nyul a zene ya mam a nga jô nge bo? Ye jôm éziñ e bitétéa bi Yéhôva ja bo na ô bo fe’e ne vema? Mame mete mese me ne mimveane mia so be Yéhôva. (Jac 1:17) Jika’a so ésulane na ô bi fane ya laan a bôte bevok.
Biyalan: Jeñe’e na ô ve to’o ve éyalane jia ésulan. (Bs 26:12) Ô ne taté ve éyalane ya nsili ba te sili, nge jô jam afe é tii a éyalan éte. Mvuse ya valé, ô ne belan éfuse ya Bible, fôtô nge kat avale bi ne belane ñye’elan éziñ ényiñe jangan. Kômesa’an abime biyalan éziñ, amu bôte bevo’o fe ba ye bete mo. Nge biyalane biangane bi ne beseconde 30, bia ye bo ngule ya ve Yéhôva “mveane ya duma.”—Héb 13:15.
Bia: Yi’a bia ya Éjôé a meva’a mese. (Bs 147:1) Be ne bo teke ve wo nkobô bisulane bise, e dañedañ éyoñ ékôane bekristene jôé é ne anen, ve ô bili fane ya yia bia bise bia yiaban ésulan. To’o wo simesane na ô nji bi abeñe tyiñ, Yéhôva nye a wôk abui avak éyoñe wo ve ngule ya yia bia! (2Co 8:12) Ô ne bo nkômesan asu ñyiane bia éyoñe wo yé’é na wo yia bia nda.
Futi’i VIDÉO Ékôane Yéhôva ja ke ôsu—Mezik: das da so be Zambe, Ngabe 1. Mvuse ya valé sili’i bôte ba vô’ôlô wo na:
Melu mangane ma éyoñ ékôane Yéhôva é nga taté, aval avé bi nga liti na, e ve Yéhôva duma a zene ya ñyiane bia a ne mfi?
