Amu jé bia yiane yeñ ve a bôte ba nye’e Yéhôva? Mbôle mewoso mangan me ne ve bia mbia mefulu nge ke mbamba mefulu. (Min 13:20) Éve’an é ne na, Njô bôte Joas a nga bo “mam me ne mvaé mise me Yéhôva” melu mese Beta Prêtre Jehojada a nga to. (2Mka 24:2) Éyoñe Jehojada a wuya, Joas a nga lume Yéhôva mvus amu mbia mewoso mé.​—2Mka 24:17-19.

Ntete mimbu ôsu ya É.J., nlômane Paul a nga jô na akônda Bekristen e ne ane “beta nda,” bibu’a ya akônda ki ane ‘meviek,’ nge ke biôme ya nda. Bi ne “vie’e mebelane ma yiane duma” éyoñe bia sa’ale mbia mewoso, to’o a ne ébu’a ya nda bôte jangan nge ke ébu’a ya akônda ja bo mame Yéhôva a vini. (2Tim 2:20, 21, Mfefé Nkôñelan) Ajô te nde, bia yiane ke ôsu a tobe bemvôé ba nye’e Yéhôva a ba ba volô bia na bi bo nye ésaé.

YENE’E VIDÉO A NE NLÔ AJÔ NA, SA’ALE’E MBIA MEWOSO, MVUSE YA VALÉ YALA’ANE MINSILI MI:

• Jé é ne bo na bi taté na bia bi mbia mewoso?

• Jé é nga volô bobejañe belale ya vidéo na be telé mbia mewoso?

• Miñye’elane ya Bible mivé mi ne volô wo na ô yeme tobe bemvôé bôé?