Bia bese, bia yange beta mebô’ô mangan ya nsisim, a mevak mbu ôse. Bia bañete bôte bese na, be zu tabe Beta bitôkan asu na, be’e fe, be tyek, a yene na Yéhôva a ne mvaé. (Besam 34:8) Bemvendé ya akônda, ba yiane yen aval avé bekañete be ne belane mefebe me mbañete avale da yian.

• Éyoñ évé, nje beta étôkan ma yiane tabe, ja ye boban?

• Éyoñ évé, nje akônda dam da ye taté na, da bañete bôt?

• Bevôm ba bo bisulan asu nkañete, be ne vé?

• Jé ma sôñ, éyoñe ma bañete bôt?

• Za ma simesane na, me ne bañete?

Éyoñ ô maneya batane môt, ô ne jô na:

“E mesi mese, bia bañete bôt asu beta étôkan. Wo ye koone môs, awolo, a vôm étôkane te ja ye boban, afebe mbañete di. Bia ye wô’ô mvaé ya yene wo, étôkane te.”

Akusa bo bia yi na, bia bañete abui bôt e beta étôkan, bia yiane ve ngule ya beta ke jom môt ase a liti na a nye’e mejô me Zambe.

E memane me sondô, bia yiane ve bekalate mefoé a afebe mbañete.