Mbu ôse, abui Bekristen be vobôya nsisim ba tabe Mesimesa’ane. Be nga taté na ba wulu zene ya ényiñ, ve amu abui mam, ane ma me ne ntilane nsoé kalate Bula’ane be Yéhôva, ba te taté na ba bili atek ôte’ete’e ôte’etek. (Beh 12:1) Ve, bekristene bete be nga’an édima mise me Yéhôva, amu a nga kuse be a metyi me Mone wé. (Mam 20:28; 1P 1:18, 19) Aval avé bi ne volô be na be beta bulan akônda?

Bemvendé y’akônda ba jeñe na be yen, a volô Bekristen be vobôya nsisim, fo’o ve ane mba’ale mintômba a jeñe ntômba wo te jañ. (Lc 15:4-7) Nalé a liti mam mese Yéhôva a bo amu a nyoñe bia ngap. (Jr 23:3, 4) Sa ke ve bemvendé mbe étam ba yiane ve be ngule nyul; bia bese bi ne de bo. Ngule bia ve na bi liti be mvam, a na bi yeme tebe été jap, ja ve Yéhôva nleme mvaé, a nde fe, bi ne bi bibotan amu mboan ôte. (Min 19:17; Mam 20:35) Nde ñhe, tame fas, za nnye ô ne ve ngule nyul, a bo’o de te yange!

YENE VIDÉO VA’A BEKRISTEN BE VOBÔYA NSISIME NGULE NYUL, MVUSE YA VALÉ SILI’I MINSILI MI:

• Abbey a nga bo jé éyoñ a nga tôbane Ngaa Yéhôva a nji be a yeme?

• Amu jé bia yiane taté ke yene bemvendé nge bia kômbô volô môt a vobôya mfa’a ya nsisim?

• Aval avé Abbey a nga kômesane na a ke beta jome Laura?

• Aval avé Abbey a nga liti mban, ôjibi, a nye’an nté a mbe a va’a Laura ngule nyul?

• Ñye’elan ôvé bi ne nyoñ éve’ela’a Yésus a nga ve e kalate Luc 15:8-10?

• Bibotane bivé bi nga so a ngul ése be nga ve na ba volô Laura?