E yeme nyoñe za? Môt ase a tabe bisulan biangan, ataté ba be ne mimfefé akekui ba bi yemeya ayap. (Bero 15:7; Beh 13:2) A ne bo Kristen a so si fe, nge Kristen a vobôya mfa’a ya nsisim, a beta zu tabe ésulan mvuse mimbu. Tame fas aval ô ne wô’ôtan nge womien ô tele aval été éte. Ye wo ye ke wô’ô mva’é nge ba nyoñe wo a mevak? (Mt 7:12) Nde, nga ô ne bo na ô ji’a kui Aba Éjôé, na ô ke wo ke bito bito, a batane bôt, éyoñ ésulan é ngenane te taté? Nalé a ye bo na nye’an a ñyemba’ane be bo Aba Éjôé été, a nalé a ye ve Yéhôva duma. (Mt 5:16) E ne été na, é nji bo tyi’ibi ya mane laan a bôte bese. Ve, nge môt ase a ve ngul mfa’a ôte, bôt bese ba ye yeme na ba nyoñe be a mevak. *

Bi nji yembane bôt ve éyoñe ya Mesimesa’ane, ve éyoñe y’éyoñ ése. Éyoñ mfefé asu wo yen a wô’ôtane nye’an bi bili, nalé a ne tindi nye na a ve Zambe duma, a na a nyiin ékôane Yéhôva été.—Jn 13:35.