ÉNYIÑE BEKRISTEN
Aval avé wo ye kômesane Mesimesa’ane?
Ataté mbu wu, bia ye bi abui éyoñ asu na bi tu’a kômesane Mesimesa’ane ya awu Yésus. Nge môse Mesimesa’ane ô ne zañe sondô, ésulan Ényiñe Kristen a ésaé nkañete jangan j’aye ke bobane sondô ate. Nge môse Mesimesa’ane ô ne amane sondô, nkañete ya mengana bôt, a ayé’é ya Nkume mmombô a bete d’aye ke boban. Ye wo ye fo’o yeme belan éyoñe jôé sondô ate? Aval ane e mbe e boba’ane ntete mimbu ôsu, wo yiane kôme ta’a éyoñe jôé sondô a ne ngum aval ate. (Lc 22:7-13; km 3/15-F af. 1) Môt ase ya be bia a yiane kômesane nleme wé. Aval avé ô ne bo de?
-
Fase’e mfi ya tabe Mesimesa’ane.—1Bec 11:23-26
-
Meye’elan été, fase’e aval amvôé dôé a Yéhôva é né.—1Bec 11:27-29; 2Bec 13:5
-
Lañe’ a bindi bifuse ya Bible bia kobô ajô ya Mesimesa’ane.—Jn 3:16; 15:13
Bobejañe béziñ be wô’ô lañ a bindi nlañane Kalate Zambe asu Mesimesa’ane ô ne nsoé kalate Emfasané éfuse ya môs. Bevô’ô ba lañe bifuse ya Bible bi ne nka’ale ô ne si valé. Bobejañe béziñe ki ba beta lañe minlô mejô ya Nkume mmombô a bete mia kobô ajô ya Mesimesa’ane, a avale Yéhôva ba Yésus be nga liti na ba nye’e bia. To’o wo tobe nlô ajô ôvé, ngo’o nge wo volô wo na ô tu’a subu Yéhôva ba Mone wé bebé.