Jacob a nga juan a éngele asu na a bi ébotane Yéhôva, amu nje ja dañe mfi. (Met 32:24-31; Os 12:3, 4) Bia ki, jé ja dañe mfi asu dangan? Ye bi ne fo’o nkômesane ya ve ngule jangan ése mfa’a ya bo Yéhôva mewôk a bi bibotan? Nge ba sili bia na bi tobe zañe e ke ésulan a e ke ôsu a saé to’o awolo ésaé é maneya, jé bia ye top? Nge bia ve Yéhôva mam mangan ma dañe mfi, aval ane: éyoñe jangan, ngule jangan, biôme bi mo biangan, a ye ve bia “ébotan, nje éte [bi] aye bo te bi abime vôme ya nyoñe je.” (Mal 3:10) A ye liti bia zen, a ye ba’ale bia, a ye fe toñe bia.​—Mt 6:33; Beh 13:5.

YENE’E VIDÉO MINSÔÑANE YA NSISIM MMIE MIA DAÑ MFI, MVUSE YA VALÉ, YALA’ANE MINSILI MI:

• Aval avé jam sita a mbe a nye’e e nga soo nye meve’ele?

• Aval avé asu ésaé dôé e ne so wo meve’ele?

• Amu jé Timothée a mbe a yiane ke ôsu a bi minsôñane ya nsisim to’o a mbe étôtôlô Kristen?​—1Tim 4:16

• Aval avé bi ne liti ésaé bia telé ôsu ényiñe jangan?