ÉNYIÑE BEKRISTEN
Ô vo’o bo bôte beyé’é nge ô nji kañete a ye’ele be
Yésus a nga jô beyé’é bé na, be fe be ke a bo meyoñ mese beyé’é. (Mt 28:19) Nalé a tinane na, be kañete a ye’ele bôt Mejô me Zambe. E wô’ô kui na bi sili biabebiene na, ‘Aval avé me ne bo beta ésaé ate nya mboane?’
KAÑETE’E
Bi nji yiane ba’a mo a yange na bôt be zu be bia, bia yiane jeñe bôte ba “yiane” wôk a ngul ése. (Mt 10:11, Mfefé Nkôñelan) Éyoñ bi ne nkañete, ye bi ne fo’o nkômesane ya laan a môt ase bia tôbane nye éyoñe bi bili fane ya bo de? (Mam 17:17) Lydie a nga bo ñyé’é Yésus amu nlômane Paul ô nga kate nye Mejô me Zambe a ayôñ ese.—Mam 16:13-15.
“Miase’ mvoñe jôé mam me tyé, a te kame wo wôé mam me ngô’é” (Ec 11:6)
YENE’E VIDÉO A NE NLÔ AJÔ NA, KELE’E ÔSU A KAÑETE ‘TEKE JÔ’É’: MÔTE WO TÔBANE NYE ATEMETEM A MENDA MENDA, MVUSE YA VALÉ YALA’ANE MINSILI MI:
-
Akusa bo a mbe a bili abui mame ya bo môs, aval avé Samuel a nga jeñe na a miase mvoñe benya mejôô?
-
Amu jé bia yiane bo mbane ya bo befatane be nkañete bese?
-
Nté wo bo bisaé biôé ya môs, za ô ne kañete benya mejôô?
YE’ELE’E
Nge bia kômbô bo bôte beyé’é, bi nji yiane ve be ve bekalate ya lañ. Bia yiane beta ke jome be, a ye’ele be Kalate Zambe, nge bia yi na be yaé nsisim. (1Bec 3:6-9) Bi ne bo aya nge ngul ése bia ve mfa’a ya ye’ele môt éziñ benya mejôô é nji dañe wume bibuma? (Mt 13:19-22) Bia yiane ke ôsu a jeñe bôte minleme mi ne ane “mbamba si.”—Mt 13:23; Mam 13:48.
“Ma me nga bé, Apollos a nga sôé mendim; ve Zambe a nga yale” (1Bec 3:6)
YENE’E VIDÉO A NE NLÔ AJÔ NA, KELE’E ÔSU A KAÑETE ‘TEKE JÔ’É’: VÔME BÔTE BE NE ABUI A BO’O BÔTE BEYÉ’É, MVUSE YA VALÉ YALA’ANE MINSILI MI:
-
Aval avé Salomon ba Marie be nga bo na benya mejôô be yaé nlem Ézekiel a Abigaïl?
-
Éyoñe bia bo befatane be nkañete bese, to’o vôme bôte be ne abui, nsôñane wongane wo yiane bo ôvé?
-
Amu jé jame bia yiane dañe sôn e ne na, bi ye’ele bôte bevo’o benya mejôô?
