Bôte ba kômbô nyiñ Éjôé Zambe si, ba yiane yé’é mame mese a lat a Éjôé te, a mame mese Éjôé te é boya. Amu jé bia jô nalé? Ñyeman ôte wo ye yemete mbunane wop na, Éjôé Zambe é tebeya; wo ye fe tindi be na be kate bôte bevo’o mbamba foé ya Éjôé Zambe. (Bs 45:1; 49:3) Nté vidéo a ne nlô ajô na Éjôé Zambe—é tebeya den a nto mimbu 100 a zu lôt, jeñané biyalane ya minsili mi:

1. Amu jé bi ne jô na, vidéo a mbe nlô ajô na, “Photo-Drame de la Création,” a mbe mfi asu bôte be nga yene nye?

2. Aval avé be nga belane radio asu na be kañete bôte mbamba foé?

3. Mame mevé mefe be nga bo, asu na be kañete bôte mbamba foé, a nalé a nga wume bibuma bivé?

4. Ane mimbu mi nga lôt, aval avé fatane nkañetane jangan é nga tyendé?

5. Sikôlô ya Guiléad a nga kômesane bekañete mbamba foé asu jé?

6. Beta bitôkan bi nga volô bebo bisaé be Yéhôva mfa’a ôvé?

7. Jé ja bo wo na ô buni na Éjôé Zambe é tebeya?

8. Aval avé bi ne liti na bia su’u Éjôé Zambe?