Mame bia yene bevidéo ma nyiine bia nleme été tyi’ibi, amu bia yene me a mise mangan, bi wô’ô fe me a melo mangan, jôme te nje bevidéo be ne ji’a nambe minleme mi bôt. Vidéo a volô na môt a kôme vô’ôlô, a na, a bo te ji’a vuane mam a te yé’é. Yéhôva a liti bia mbamba éve’ela mfa’a ôte, amu a yeme belane mam bia yen asu na a ye’ele bia.—Mam 10:9-16; Nli 1:1.

Bevidéo be ne minlô mejô na, Ye Zambe a bili Éyôlé?, Za a ne nlô ya Kalate Zambe?, a Aval avé bi ne yeme na Kalate Zambe a ne benya mejôô?, be ne nya mfii éyoñe mia môt mi ne ñye’elan 2 a wu 3 ya nsoé kalate Mbamba mefoé. Bevidéo be ne minlô mejô na, Amu jé bia yiane yé’é Kalate Zambe?, Nne ba bo ayé’é ya Kalate Zambe aya?, a Jé j’aboban Aba Éjôé été?, be ne volô môt a yé’é na, a zu tabe bisulane biangan. Bi ne fe belane bevidéo bangane béziñ be bili bive’ela bia fô’ôsan asu na bi ye’ele bôt.—km 5/13 3.

• Taté’é limiti vidéo wo kômbô liti môt

• Kômesa’ane nsili wua, nge minsili mibaé mi aye bi éyalan e vidéo

• Yenané vidéo ate nsamba

• Fasané mame ma too mfi e vidéo ate

• Kelek afebe da su’ulan e tract wua ya betract bangan, liti’i nye code QR asu na a yene vidéo a ne nlô ajô na, Amu jé bia yiane yé’é Kalate Zambe?

• Liti’i môte mia nye mia yé’é vidéo a ne nlô ajô na, Aval avé bi ne yeme na Kalate Zambe a ne benya mejôô?, va’a fe nye nsoé kalate Mbamba mefoé, liti’i nye ñye’elane 3