9:1-7

Éyoñe ya ñyenan ôte, wo simesane na Yésus a nga wô’ô aya éyoñ Ésaa a nga jô nye na a wô’ô nye mvaé? Teke vaa nge beté, jam ete e nga ve nye ngule nyul, a kômesane nye asu minju’u mi mbe mi yange’e nye. Ñyenan ôte ô nga wônô fe mbunane Pierre, Jacques, a Jean. Yésus nnye a mbe Messie, ñyenan ôte ô nga kômesane be na be bo nye mewôk. Mvuse bebé mimbu 32, Pierre a nji vuane wô, nalé a nga kôme yemete nye na, ‘minkulan mejô’ mia ye fo’o tôéban.​—2P 1:16-19.

To’o bi nji bi ñyenan ôte, den bia yen ane wo tôébane mise mangan été. Yésus a ntoo ngungule Njôô bôt, a nga jôé. Ana’ana, ‘a zu mane medañe mé,’ mfa’a ya telé mfefé émo wo ye bo njalan a zôsô.​—Nli 6:2.

Aval avé mbunane wôé wo wôn éyoñe wo yen ane nkulan ajô ya Kalate Zambe wo tôéban?