Atiñe Yéhôva a nga ve bone b’Israël a zene ya be Moïse e mbe e jô’ô na, nge nnôm a kômbô tyam alu’u dé a yiane ve ngal kalate ntyaman aluk. Nalé a mbe a kama’ane beyôme na, be suu binga bap aval e ne te yian. Ve éyoñe Yésus, betebe ôsu ya ñyebe be nga ve ntyaman aluk tyi’ibi. Fam é mbe ngule ya tyam aluk étome zezé bone be mam. (“kalate ntyaman aluk” study note on Mc 10:4, nwtsty; “suu nga,” “a jiya éza minga” study notes on Mc 10:11, nwtsty) Yésus a nga jô na, Yéhôva nnye a ne mbôndé a nlô ya aluk. (Marc 10:2-12) Nnôm ba ngal be ntoo “nsône wua” nnôm éto. Éfus étam ya Kalate Zambe ja kobô ajô ya ntyaman aluk, ja liti na ve ‘mbia nkeane binoñ’ étam nnye a ne bo na môt a tyam alu’u dé.​—Mt 19:9.

Den, bôt abui be nji yen aluk ane Yésus a mbe a yene’e de, ba viane yene de ane Bepharisien be mbe be yene’e de. Éyoñe beluk ba tôbane minjuk, ba be nji kañe Zambe be ne avôle ya tyam alu’u dap. Ve Bekristen, be nji nyoñe bengaka’a be nga bo éyoñe be nga lu’an éngbwemese, ba jeñe a mezene mese na be tôñe miñye’elane ya Kalate Zambe, a dañe minjuk. Éyoñ ô maneya yene vidéo, Mefulu ma lat menda me bôt: nye’an a ésemé, yala’ane minsili mi:

• Aval avé ô ne tôñe meleb me ne kalate Minkana 15:1 nda alu’u jôé, a amu jé nalé a ne mfi?

• Aval avé ô ne sa’ale mejô éyoñ wo tôñe melep me ne kalate Minkana 19:11?

• Nge nda alu’u jôé é nji bo aval ô mbe ô simesa’an, amu jé ô nji yiane jô womiene na, ‘Ma yiane jibi tyam aluk,’ mam mevé wo yiane taté tu’a fas?

• Aval avé ô ne bo mbamba nnôm nge mbamba ngal, éyoñe wo tôñe meleb ma so kalate Matthieu 7:12?