ÉNYIÑE BEKRISTEN
Yeme’e jôé minkômbane ya nleme wôé
Môta binam ase a yiane bibane na a jôé minkômbane ya nleme wé. Nge bi jô’é na mbia minkômbane mi jôé bia, bi ne ndaman élate jangan a Yéhôva. Bôte béziñe ba viane nye’e bidi, biyé, a biôme bi nda, adañe Yéhôva. Bevo’o ki ba bo mam bisôk teke bisi fas avale Yéhôva a yene mboan ôte. (Bero 1:26, 27) Ba bevo’o ki ba bele jô’é na bôte befe be tindi be na be tyam metiñe me Yéhôva, fo’o ve amu ba yi na be yené mvo’é mis me bôte bete.—Nk 23:2.
Jé é ne volô bia na bi jôé minkômbane ya nleme wongan? Bia yiane bibane na bi dañe simesane ve mame Yéhôva a nye’e. (Mt 4:4) Bia yiane fe de’ele Yéhôva mo asu na a ve bia ngule ya jôé minkômbane ya nleme wongan. Amu nnye a yem jam da dañe mvaé asu dangan, a aval a ne jalé minkômbane miangan mi ne mvo’é.—Bs 145:16.
YENE’E VIDÉO A NE NLÔ AJÔ NA TE MANE DI’I ÉNYIÑE JÔÉ A ÔTITA YA SIKA, MVUSE YA VALÉ, YALA’ANE MINSILI MI:
-
Amu jé bôte béziñ ba nyu sika?
-
Nyuane sika ô ne soo wo jé?
-
Amu jé nyuane sika ô ne abé, to’o a ne nyi é ne électronique?—2Bec 7:1
-
Ô ne wosane nkômbane ya nyu sika a dañe wô!
Jé é ne volô wo na ô bene sika, a na ô telé telé nyuan?
