ÉNYIÑE BEKRISTEN
A bôlé a tyé, a bôlé alu: Ye ô nto fo’o nkômesan?
Bia yeme na ane asu’ulan da zu da subu, nde fe bita a bitua bi mam bii bobane nalé. (Nli 6:4) Aval avé bi ne kômesan asu avale bibubua ete?
-
Kômesa’ane mfa’a ya nsisim: Jeñe’e bifus a minkañete ya Bible mia bo na ô tu’a tabe Yéhôva a ékôane jé ndi, a bi bi ne volô wo na ô bo teke nyoñe ngap a mame ya émo a zen éziñ. (Min 12:5; jr af. 125-126 ab. 23-24) Éyoñe ya kôme late memvôé a bobejañe ya akônda ji.—1P 4:7, 8
-
Kômesa’an mfa’a ya minsôn: Jeñe’e na ô bo ngômôtô é ne kaman ényiñe jôé nge da kui na ô vo’o tup, ba’ale fe bone be biôme nda. Fase’e vôm wé bem asu a avale wé wulu nge wo yiane tup. Kômesa’an mon ékpwaé a bo’o ô fombô’ô biôm bi ne été, futi’i fe biôm ane begant a becache-nez a moné été. Jeñe na ô bi nombo nkole bemvendé, a bo’o na be’e fe be bi nombo nkole wôé.—És 32:2; g17.5 af. 3-7
Éyoñe ya bita, kele’ ôsu a bo mam mese ya nsisim. (Beph 1:10) Kôlô’ô vôm ô too vengevenge ve nalé a sili. (Mt 10:16) Kabe’e bidi biôé a biôm bife a bôte bevok.—Bero 12:13.
YENE’E VIDÉO A NE NLÔ AJÔ NA YE Ô NTO FO’O NKÔMESAN ASU BIBUBUA?, MVUSE YA VALÉ, YALA’ANE MINSILI MI:
-
Aval avé Yéhôva a ne volô bia éyoñ mbia ébubua a kui vôm bi too?
-
Mam mevé bi ne bo asu na bi kômesan?
-
Aval avé bi ne volô bôte ba te bi ébubua?
