Yésus a mbe a bela’ane mam ma boban émo na a ye’ele bôt. (Lc 13:1-5) Wo fe ô ne bo nalé asu na ô ve bôte nkômbane ya vô’ôlô mbamba foé ya Éjôé. Éko éziñ tañe biôm é ne ve bet vôm ô too, nge ke na ébubua éziñ é ndeme kui; ye bita bia boban ngoto jôé? Ye bongô ya vôm ô too ba nyu banga . . . ? Soñe’e môte minlañ a jame da ya été, mvuse ya valé sili’i nye avale nsili dé bo na a kômbô kee minlañ ôsu. Ô ne sili nye na: “Ye wo simesane na jam ete dé mane môs éziñe nga?” nge ke na “Ô lôô na bi ne kôm ajô . . .  di aya?” Éyoñ ô maneya vô’ôlô éyalane jé, lañe’e nye éfus ja kobô ajô te. Nge ô yene na môt a nye’e minlañ, liti’i nye vidéo nge ke kalate éziñe ya Bikpwelé bia ye’ele bie bôt. Bia ve ngule ya “bo mam mese asu mbamba foé” amu bia yi na bi nambe minlem mi bôte bia kañete.​—1Bec 9:22, 23.

Tili’i mam me ne nambe bôte ya abôta nkañete dôé tyi’ibi si valé: