ÉNYIÑE BEKRISTEN
Yene’e womien avale Yéhôva a yene wo
‘Yéhôva a yene mvaé be bôte bé.’ (Bs 149:4) Akusa bo bi bili metyi ya abé, Yéhôva a yene mbamba mefulu bi bili a mam bi ne bo melu ma zu. Éyoñ éziñ é ne bo ayaé na bi yene mbamba mefulu biabebiene bi bili. Bi ne wô’ôtane ve ane bi ne zezé amu avale bôte bevo’o ba nyoñe bia. Nge bia beme mis bikobe bi nga bo melu mvus, bi ne simesane na Yéhôva a nji beta nye’e bia. Jé é ne volô bia éyoñe bi tele aval été éte?
Te vuane na Yéhôva a yene mam bôte be vo’o ki yen. (1Sa 16:7) Nalé a tinane na, a yene to’o mam bi vo’o yene be biabebien. Mbamba jam a ne na, Kalate Zambe a volô bia na bi yem avale Yéhôva a yene bia. Bi ne tu’a yeme de éyoñe bia lañe bifus a minlañe ya Bible mia liti abim avé Yéhôva a nye’e bebo bisaé bé.
YENE’E VIDÉO A NE NLÔ AJÔ NA, TE VUANE NA, YÉHÔVA A NYE’E WO, MVUSE YA VALÉ YALA’ANE MINSILI MI:
-
Aval avé éve’ane mmate mbil a ésa wé ja ye’ele bia avale Yéhôva a yene bia?
-
Nge môt a te bo beta nsem a bo mam ma sili asu na a beta kôm élate jé a Yéhôva, jé é ne volô nye na a bo teke vuane na Yéhôva a nye’e nye?—1Jn 3:19, 20
-
Mojañ a nga lañ a bindi nkañete David a wu Josaphat. Aval avé mboon ôte ô nga volô nye?
