• Bs 69:​30, 31—Aval avé bifuse bi bi ne volô bia na bi tu’a yeme ye’elan? (w99 15/1 af. 18 ab. 11)

  Éyalane jôé

• Bidima bi mame bivé ya nlañane Kalate Zambe ya sondô nyi wo kômbô kate bôte bevok?

  Éyalane jôé

Ngon ôsu ya mbu 2009, be nga fulane bisulane bibaé bi mbe bi boba’ane zañe sondô na bi bo ésulane jia. Nta’ane mam ôte ô nga ve menda me bôte fane ya bi ngume ngô’é asu ayé’é ya nda bôt. Abui bôt é nga ve akiba amu nta’ane mam ôte, ngô’é éte é nga volô bibu’a ya menda me bôte map na bi tu’a subu Yéhôva bebé a yemete élate zañe jap.—Dte 6:​6, 7.

Mame mevé me ne volô minlô ya menda me bôte na mi bo ayé’é ya nda bôte mban, a na ébu’a ése ya nda bôt é yene mfi ya été?

• Bo’o de mban. Nge nalé a ne boban, tobe’e môse wua sondô ase asu ayé’é ya nda bôt. Bo’o nkômesane ya bo ayé’é éte môs ôfe, nge mi nji kui na mi bo de môse mi nga top

• Kômesa’an. La’an a nyo ngal, a biyoñe biziñe sili’i bone bôé melep. Nlô ya nda bôt ô nji yiane nyoñ abui éyoñe sondô ase na ô kômesane mame ba ye belane me ayé’é ya nda bôt

• Jeñe’e na mame mia ye yé’é me nambe bibu’a bise ya nda bôt. Éyoñe bone ba yaé, miñyiane miap mia tyendé a ngule jap fe. Ajô te, mame mia yé’é ma yiane volô ébu’a ése ya nda bôte na é yaé mfa’a ya nsisim

• Bo’o na ayé’é ya nda bôt é bo mbamba éyoñe mia lôte nsamba. Biyoñe biziñe mi ne ke bo ayé’é nseñ éyoñe môs ô ne mvo’é. Éyoñe nalé a sili, nyoña’ané mon awo’one nté mia bo ayé’é. É ne été na, ayé’é ya nda bôte da ve wo fane ya kobô ajô minju’u benyo bone ba tôbane mie, ve a nji bo éyoñe ya komekane be nge foñôsô be

• Ve’ele’e abui mam. Mi ne kômbô kômesane ngap éziñe ya ésulane ja zu, nge yene vidéo éziñe ya jw.org a laan ajô ya été, nge bo besisia asu ésaé nkañete. É ne été na minlañe mia yiane bo beta ngabe ya ayé’é ya nda bôt, ve ébu’a ése ja yiane fe nyoñ éyoñe ya bo ayé’é étame dé

La’an ajô ya nsili wu:

• Ye ô ve’eleya tôñe mame mete asu ayé’é ya nda bôte jôé?

  Éyalane jôé