Bobejañ ba saé a ngul ése asu na be kômesan bive’ela ya tôñ, a abui bekañete mbamba foé da belane bie asu na be bo abeñ ésaé abôta nkañete dap. Ve amu mam ma tyendé émo, bekañete be ne fili ya tyendé befatane be nkañete, nge ke belane minlô mejô meval meval asu na mi lu’an a miñyiane mi bôte ya vôm ba kañete. Teke vaa nge beté, bese ba yiane tôñ melep mese ba ve asu ôbane nkañete. Nsôñane wongan ô ne na bi jalé abendé Yésus a nga ve bia na bi kañete mbamba foé y’Éjôé.​—Mt 24:14.

Éyoñ ba kômesane bisaé biap, bongô be sikôlô ba yiane tôñe nlô ajô ô ne na Bive’ela ya tôñ e kalate Ényiñe Kristen a ésaé nkañete jangan. Ve nge be nji jô be na be mba’a mba’a ve bo nalé, be ne fili ya tyendé nsili, éfuse ya Bible, lien, nge ke avale be ne taté minlañ, asu na foé ba kañete é tu’a wô’é a vôm be too. Jame di da zu sôan melep be nga taté ve bia afep 8 ya kalate bisulan ya Ngone samane ya mbu 2020.