Bible a jô na bi yene benya bingaa ane benyia bangan, bengo be binga ki ane bobenyañ nge ke bekale bangan. (Lañe’e 1 Timothée 5:1, 2.) Befam mbe ba yiane dañe beta semé besita ya akônda.

Mojañ a nji yiane vañe zu bo sita andômane mis, nge ke bo nye mam mefe me ne bo na a jañele éjijine jé. (Job 31:1) Fam ja yiane kôme tabe ntyele ya bo te bo sita ayas, a too ke na a nji bi nkômbane ya lu’u nye.

Éyoñ sita a sili bemvendé nsili a éseme ése, nge ke éyoñ a liti be jam éziñ, be nji yiane biasé jôm a jô be. Bemvendé ba yiane tu’a beta nyane besita be nji bi nnôm a kamane be.​—Ru 2:8, 9.

YENE’E VIDÉO A NE NLÔ AJÔ NA, NKELAN ÔSU A LITI NYE’AN Ô NE TEKE MAN AKÔNDA ÉTÉ: MINKUS A BOBENYUI, MVUSE YA VALÉ YALA’ANE MINSILI MI:

• Aval avé bemvendé be nga liti na ba nye’e Sita Myint nya abuii?

• Aval avé nye’ane bobejañe ya akônda be nga liti nye ô nga wumulu jôé Yéhôva nlam?

• Aval avé nye’ane bobejañe ya akônda be nga liti Sita Myint ô nga nambe bengo bé?

Mam mevé ô ne bo asu na ô liti besita ya akônda dôé na wo nye’e be?