9:62

Nge mbé mefup a kômbô bo mebôm me nji bo nkot, a nji yiane jô’é na mise mé me ke vôm mfe. Aval ete da da, Kristen é vo’o jô’é na mam ya émo me kamane nye na a telé Éjôé Zambe ôsu.​—Beph 3:13.

Éyoñ bia tôbane minjuk, e ne tyi’ibi ya jôban ‘mbamba biyoñ ya mvus,’ a ne bo ényiñe bi mbe bi bili ôsusu’a na, bia yeme benya mejôô. Éyoñ bia jôban, bi wô’ô beté ôdo’é, a bo v’ane minjuk bia tôbane mie den mi ne ngul a dañe mi ya melu ya mvus. Jame bone b’Israël be nga bo éyoñ be nga kôlô Égypte nde ñhe le. (Nb 11:5, 6) Nge bia bi aval asimesan ete, bi ne bi nkômbane ya bulane nnôm ényiñe yongan. A too ke na jam bia yiane bo é ne na, bi fas bibotane bi bili den a bi bi aye bi Éjôé Zambe si!​—2Bec 4:16-18.