MIMFUFUBE mintilane mi nga tiliban a ngule ya mfufube nsisime nkobô Hébreu, Araméen, a Grec. Asu ya na bôte ya “meyoñe mese” be yeme mejô me Zambe, é nga sili na bôte be kôñelane mejô me Zambe abui minkobô. (Matthieu 24:14) Bekalate mewôme mebaé a zangbwal, mbe bete ba taté Mat­thieu akekui Nlitan, ba loobane na, “Mintilane ya nkobô Grec” amu be nga taté tilibane nkobô Grec a ngule ya mfufube nsisim a zene ya bekristene ya ntete mimbu ôsu É.J.

Kalate Zambe–Nkôñelane ya mfefé émo, a nga taté kui nkobô Éngilis mbu 1950. Be nga kôñelane mejô me Zambe mete be bela’ane fe Bible Westcott ba Hort be nga mane kôme nkobô Grec, a zene ya mimvulekane bekalate mia dañe minnôm. Nkôñelane ya mfefé émo ô nga kôñelane Grec aval é ne nya zôsôô. Éyoñe bi nga kôñelane Kalate Zambe nyi, bi nga belane nyi ya nkobô Éngilis ya mbu 2013, amu be nga kôme nyoñe nju’u ya kôñelane nye zôsô avale nyi ya nkobô Grec a ne.

Éyôlé Zambe, Yéhôva, é ne Kalate Zambe–Nkôñelane ya mfefé émo ya mintilane ya nkobô Grec tañe biyoñe 237. Mfa’a ya ngôné mfi ya fubu éyôlé Zambe, a na bôte bese ba yiane belan éyôlé éte asu ya na be nyiñ, nkôñelane Kalate Zambe wu, wo beta futi éyôlé Zambe, Yéhôva, vôm é mbe mimfufube mintilan été.—Matthieu 6:9; Beromain 10:13.

Éyôlé Nkôñelane ya mfefé émo, ja so ngaka’a Zambe a nga bo bôte bese na zôsô a ye bo mfefé émo wo zu. (2 Pierre 3:13) Bôte ba bo ésaé ya kôñelane mejô ma, ba nye’e Mbôndé ya mimfufube mintilan, ba wô’ôtane na be bili beta mbe’e ya kôñelan asimesane dé a minjôane mié aval é ne nya zôsôô. Bia ye’elane Zambe na kalate wé nyi a volô mia nya abuii, mia mia ve ngul ése na mi “bi nya ñyemane ya benya mejôô.”—1 Timothée 2:4.