Efia grek ba koñelane na “nda Zambe” é nji kobô ajô ya vôm bôte ba tôbane na ba kañe Zambe. Ja kobô ajô ya nsamba bôt.

Tame yene éve’ane ji: Éyoñe Paul a nga tili bekristene ya Rome, a nga lôme be mebatan a Aquila ba Priscille. A nga beta fe jô na “sila’ane fe ma keké é wô’ô sulan nda jap.” (Beromain 16:5, Kalate Zambe Mfefé nkôñelan) Paul a nji jô na be batane nda be nga too be bo’o bisulan. Ve a nga jô na be batan bôt nge ke akônda é nga too é bo’o bisulan nda éte. *

Ajô te, bi nji loene vôme bia bo bisulane biangane na nda Zambe, bia loene na “Aba Éjôé”.

Éyôlé te j’ayiane fo’o amu:

• Nda éte é ne aba, nge ke vôme bia bo bitôan.

• Bia tôbane valé na bi kañe Yéhôva, Zambe ya Kalate Zambe, a na bi bo bengaa bé nge bôte ba ngalé nye.—Besam 83:18; Ésaïe 43:12.

• Bia tôbane fe valé na bi yé’é yeme Éjôé Zambe, ajô y’Éjôé te nde Yésus a nga ju’u kobô.—Matthieu 6:9, 10; 24:14; Luc 4:43.

Bia loene wo na ô zu yene Aba Éjôé é ne bebé a nda jôé; ndemben womien wo ye yene avale Bengaa be Yéhôva ba bo bisulane biap.