Nge ma yé’é Bible a Bengaa be Yéhôva, ye nalé a tinane na me mba’a mba’a ve bo Ngaa?
Teké’é, ô nji bo ntindane ya bo Ngaa. Bemillion be bôte ba yé’é Bible a bia teke bo Bengaa be Yéhôva. * Nsôñane ya ayé’é Bible ô ne na môt a yeme miñye’elane ya Kalate Zambe. Womien wo ye tyik avale wo ye belane miñeye’elane mite. Bia yeme na mbunan wo fombô môt éminen.—Josué 24:15.
Nté ayé’é da lôt, ye me ne belane Kalate Zambe wom?
Mvo’é mvo’é. Bia nye’e fo’o bia belane Les Saintes Écritures. Traduction du monde nouveau, a ne nkôñelan abui minkobô. Nge wo kômbô, bi ne ve wo wua e zezé, ve ô ne fe belane Kalate Zambe wôé. Ô ne yé’é foé ndi nlem é ne Kalate Zambe a zene ya avale nkôñelane Bible ôse.
Amu jé mia yé’é a bôte mia be be mi nji bo ñyebe wua?
-
Amu ôsu a ne na, bia nye’e Yéhôva, nnye a yi na Bekristen be ye’ele bôte bevok mame ba yé’é. (Matthieu 22:37, 38; 28:19, 20) Bia yeme na, e bo “beébe be bo bisaé be Zambe,” a e volô bôte na be yé’é Mejô mé a ne mvome ja dañ.—1 Becorinthien 3:6-9.
-
Amu baa a ne na, bia nye’e bôte bevok. (Matthieu 22:39) Bia bi mevak éyoñe bia kate bôte bevo’o bitua bi mam bia yé’é.—Mam Minlôman 20:35.
^ É.N. 1 Bi tame ve wo bone metañ, mbu 2023 bi nga bo meyé’é 7 281 212 ngon ése, meyé’é méziñe ya été me nga boban a bui bôt éyoñe jia. Ve mbu ôte, bôte 269 517 mbe étam be nga duban a bo Bengaa be Yéhôva.
You May Also Like
MINSILI BÔTE BA SILI
Miñye’elane mivé Bengaa be Yéhôva ba buni?
Tame yene miñye’elane 15 Bengaa ba buni.
BI NE BEZA?
Nne ba bo ayé’é ya Kalate Zambe aya?
Bôte ya si se ba yeme na Bengaa be Yéhôva be bili ngumba nta’an mfa’a ya ayé’é Kalate Zambe. Bia kômbô liti wo avale nta’ane te wo wulu.
MINSILI BÔTE BA SILI
Jé é ne ayé’é Kalate Zambe?
Jeñe biyalane ya minsili a lat a nta’ane mame wongan asu ayé’é Kalate Zambe e zezé.
