Kalate Zambe nnye a ne mbôka’a ya mbunane wongan; ajô te, bi nga tyendé miñye’elane miangane miziñ amu bi nga tu’a wô’ô mie. *

Ntyendan ôte wo lu’an a mejô ya kalate Minkana 4:​18 ma: “Ve zene ya bôt be ne zôsô é ne aval ane éfufupe ya melende me tyé, nje j’ afaé a ke ôsu akekui nya môsô.” Aval ane éfufube ya nlô jôbô ja so ôte’ete’ ôte’etek, aval ete fe éfufube ya benya mejôô, a avale bia wô’ô me ja so éyoñ éyoñe ja yian. (1 Pierre 1:​10-​12) Avale Kalate Zambe a nga jô melu mvus, Yéhôva émien a ye tindi de “akekui éyoñe ya asu’ulan.”​—Daniel 12:4.

Mintyendane mite mi nji yiane bo na bi kam, mi nji yiane ndeñele bia. Melu mvus bebo bisaé be Yéhôva béziñe fe be nji kôme wô’ô Mejô mé méziñ, e nga sili na be sôan asimesane dap.

• Moïse a nga tyi’i na a ke kôté ayoñ Israël mimbu 40 ôsusua na Yéhôva a lôme nye.​—Mam Minlôman 7:​23-​25, 30, 35.

• Minlôman mi nji kôme wô’ô nkulan ajô a lat awu a ñwômane messie.​—Ésaïe 53:​8-​12; Matthieu 16:21-​23.

• Bekristene béziñe ya ntete mimbu ôsu be nji kôme wô’ô jame Bible a loene na ‘môse Yéhôva.’​—2 Bethessalonicien 2:​1, 2.

Ve Yéhôva a nga su’ulane sôane mbia ñwô’ane wop, bia ye’elane Yéhôva na a ke ôsu a sôan avale bia wô’ô Mejô mé.​—Jacques 1:5.