Ye môt a ntoo Ngaa Yéhôva a ne beta kôlô ñyebe ôte?
Ôwé. A ne bo de a mezene mebaé:
Émien a ne jô na a kômbô kôlô. A ne kate de bemvendé, a ne fe tili be kalate na a nji kômbô beta bo Ngaa Yéhôva.
Mimboane mié mi ne fe liti nalé. Môt éziñ a ne bo mam ma liti na, a nji kômbô beta bo Ngaa Yéhôva. (1 Pierre 5:9) Bi tame nyoñ éve’an, a ne ke nyiine ñyebe ôfe, a kate fe bemvendé na, nne a nto wôé.—1 Jean 2:19.
Nge a boo ke na Ngaa Yéhôva éziñ é tyiya ésaé nkañete a ntabane bisulan? Ye nalé a liti na a tyi’iya minkañ a Bengaa?
Teké’é. E kôlô nsamba wongan a selane a môt a bili atek mfa’a ya nsisim. Nde fe bôte béziñ be nga tek nsisim abim éyoñ éziñ, amu be nga bili atek, sa ke amu be nga kômbô lume Zambe mvus. Bia titane ke avale bôt ete, bia su’u be a ve be ngule nyul. (1 Bethéssalonicien 5:14; Jude 22) Nge môt éziñ a yi na be volô nye, bemvendé ya akônda be ne su’u nye mfa’a ya nsisim.—Begalate 6:1; 1 Pierre 5:1-3.
Ve bemvendé be nji yiane bi môt a ngul, nge ke yemete nye na a mba’a mba’a ve bo Ngaa Yéhôva. Môt émien a yiane top ñyebe a kômbô ke. (Josué 24:15) Bi too ndi na bôte ba kañe Zambe ba nyoñ ntyi’an ôte a nleme wop ôse.—Besam 110:3; Matthieu 22:37.
You May Also Like
MENYIINE ME NKOBÔ ASU ÉSAÉ NKAÑETE
Bengaa be Yéhôva: Bi ne beza?
Bôt abui ba kômbô yeme beza Bengaa be Yéhôva be né. Kele’e bebien be yalane wo nsili ôte.
MINSILI BÔTE BA SILI
Ye Bengaa be Yéhôva ba sa’ale bôte be nga kôlô ñyebe wop?
Ntelane feñ ô ne mfi, ô ne volô môt na a bulan akônda été.
MINSILI BÔTE BA SILI
Nge ma yé’é Bible a Bengaa be Yéhôva, ye nalé a tinane na me mba’a mba’a ve bo Ngaa?
Bengaa be Yéhôva ba ye’ele bemillion be bôte ya si ése Mejô me Zambe e zezé. Ve nge wo yé’é a be, ye ô mba’a mba’a ve bo Ngaa Yéhôva?
