Mfa’a abui bôt, kôlôs é ne ndem ja liti na môt a ne Kristen. Bi ne bekristen, ve jam da bia belane ke kôlôs. Amu jé?

Jam ôsu é ne amu Kalate Zambe a jô na, Yésus a nga wu élé sake kôlôs. Kalate Zambe a beta fe jô na: “mata’an nkañane bezambe befe”, nalé a tinane na bi bo te belane kôlôs ékaña’a bia ve Zambe.—1 Becorinthien 10:14; 1 Jean 5:21.

Yésus émien a nga jô na: “Zene nyô bôte be aye yeme na mi ne beyé’é bam, nge mia nye’esan.” (Jean 13:34, 35) Nde Yésus a liti valé na, nye’an ñwô ô ne ndeme ya benya bekristen sake kôlôs nge éve’ela éfe.