Ôwé bi ne bekristen. Mame metane ma ma liti nalé:

• Bia jeñe na bi kôme tôñe miñye’elan a mimboane mi mame Yésus Krist.—1 Pierre 2:21.

• Bia buni na Yésus a ne édiba’a y’ényiñ, “amu teke jôé afe jôp si va, e ne mveban e be bôt na, bi yen ényiñ été.”—Mam minlôman 4:12.

• Éyoñe môt a bo Ngaa Yéhôva, a nyoñe mbaptizô jôé Yésus.—Matthieu 28:18, 19.

• Bia ye’elane Zambe a jôé Yésus.—Jean 15:16.

• Bia buni na Yésus a ne nlô, nge na nyô Zambe a nga tobe na a bi tyiñ e be fam ése.—1 Becorinthien 11:3.

Ve jame da, mam abui ma kandé bia a miñyebe mivok mi alonebane na bekristen. Bia buni na, Kalate Zambe a ye’ele na Yésus a ne mona Zambe sake ébu’a jia ya zambe wua bôte belal. (Marc 12:29) Bi nji buni na môt a bili jôm ja li’i é vee éyoñ nyôl é wuya. Teke vôm éziñ a ne ntilane Kalate Zambe na Zambe a fonosô bôt ébé nduan nnôm éto; nge na betebe ôsu ya menda me Zambe ba yiane bi biyôlé mese’esa bi abete be yôp.—Ecclesiaste 9:5; Ezékiel 18:4 (Kalate Zambe mfefé nkôñelan); Matthieu 23:8-10.