Teké’é, Bengaa be Yéhôva be ne fe ane bia wo. Bia ve ngule ése na bi tôñe éve’ela’a Yésus a nga li’i bia a nyiñe ane minye’elane mié mia jô.

Éfia “mbia ñyebe” ja tinane abui mam. Mam mebaé ma me ne vôlô na bi yeme amu jé bi vo’o jô na Bengaa be Yéhôva be ne mbia ñyebe.

• Bôte béziñe ba jô na mbia ñyebe a ne ñyebe be ndeme té ô bo’o fe mam aval dé. Bengaa be Yéhôva be nji té mfefé ñyebe. Bia jeñe na bi vu bekristen ya melu mvus. Éve’ela’a jap é ne Kalate Zambe été. (2 Timothée 3:16, 17) Bi buni na, mimfufube mintilan étam mmie mia yiane kate bia jé é ne mvaé mfa’a ékaña’a.

• Bôte bevo’o ba buni na njôé nge ke masa ya mbia ñyebe a ne môte a binam. Bengaa be Yéhôva be nji télé môte a binam éziñe na, nnye a ne be masa. Aval Yésus a nga jô de bia: “mote wua a ne ñye’ele wônan, nnye a ne Krist.”—Matthieu 23:10.

Bengaa be Yéhôva be bili ñyebe wo volo bebien a bôte ya mefel map. Éve’an ja yené ésaé nkañete jangan ja volô bôte abui na be jô’é mbia mefulu avale ane nyuane ta’a, banga a meyok. Bia volô fe bôte na be yeme lañe a tili. Bia volô bôte mevale mese éyoñe ébubua jam e kuiya. Bia nyoñe nju’u na bi ve bôte ba bômane bia mbamba éve’ela be ne ngule ya tôñe aval ébien Yésus a nga jô beyé’é bé na be bo.—Matthieu 5:13-16.