KWI 32
Loʼ bag njam Yaweh Nsi!
-
1. Vaʼ bo zwentù moʼ ngelañ dun ntù ben,
Mba ghamde kebwô fà mbén ntse ben nà;
Là, ntùm ntù ben, tsiañde naʼ dun mbèn njàm
Nejuʼ mbwô nkùn Nufen Nsi.
(DÙʼ NEBWÔGDE)
Loʼ bag njam Yaweh Nsi; Ntsiañde nefaʼ yi.
Mbe a ke nsi ndagdʼo; Zin ntùm nu ndañndañ.
Soñ, soñ mbwô nkùn fide, bo netum ndà nkuan.
Ze netô njam Kristô, aʼ sin nèn à mbwe.
-
2. Bag bin aʼ tamde ntshu ntshùʼ ndoʼ bag Nsi,
Nsoñ mbwô nkùn Nufen ntùm njoñ njù sagkuà.
Tshù ngelañ ni ze mba we lo loʼ mfiʼ
Ndoʼ mfiʼ ntam njam ze be Nsi.
(DÙʼ NEBWÔGDE)
Loʼ bag njam Yaweh Nsi; Ntsiañde nefaʼ yi.
Mbe a ke nsi ndagdʼo; Zin ntùm nu ndañndañ.
Soñ, soñ mbwô nkùn fide, bo netum ndà nkuan.
Ze netô njam Kristô, aʼ sin nèn à mbwe.
-
3. Bag bin ke nsi bwôg Diabolo moʼ léʼ.
Neyab ntù num Yaweh aʼ fà ngùʼ ben.
Ke mba ndù bag bin kag, ndù bo, bo yàm,
Nsi bèn mbe zebe neta.
(DÙʼ NEBWÔGDE)
Loʼ bag njam Yaweh Nsi; Ntsiañde nefaʼ yi.
Mbe a ke nsi ndagdʼo; Zin ntùm nu ndañndañ.
Soñ, soñ mbwô nkùn fide, bo netum ndà nkuan.
Ze netô njam Kristô, aʼ sin nèn à mbwe.
(Mbèn ndôde Yobk. 94:14; Tànk. 3:5, 6; Héb. 13:5.)
