KWI 55
Kà bin bwôg yube!
-
1. Bin, ben tshàm, ke tsin bin nèn mbwe,
Nsoñ mbwô nkùn num Nufen sàm.
Kà vètte mbwe ghakebàn.
Ghù ghakô nenùn lène
Mbe Mén àm Mven Yésu Kristô,
Maʼ ghakebàn num nsitshaʼ,
Ndaʼndaʼ a lo nsi nkut Satan,
Nkwé njù fa ntshu i nkage.
(DÙʼ NEBWÔGDE)
Kà bin bwôg yub, me bʼa bo bin.
Bo bweʼde zin kà bin bwôg.
Mʼaʼ béb ngafaʼ àm ze nenùn
Ndañndañ mba kuaʼ nyilag àm.
-
2. Mba tà ndù ghakebàn ghaʼ mbu
Nke mbweʼde mbèn ntshabte zin,
mbatte zin bo zwi mba mfùm,
ntènde zin bin fàn ntshùʼ Nsi.
Kà bin bwôg yub, bin, ben ndañndañ
Be ntàn nyiañtu zin ke bi,
Nummbe mʼaʼ tshètte ghafaʼ tshàm
Mbiagde njoñ ghakebàn fa.
(DÙʼ NEBWÔGDE)
Kà bin bwôg yub, me bʼa bo bin.
Bo bweʼde zin kà bin bwôg.
Mʼaʼ béb ngafaʼ àm ze nenùn
Ndañndañ mba kuaʼ nyilag àm.
-
3. Kà naʼ mbwôg me ke nsi ndagdʼo
Me bʼa yu tshètntsho ze ndùb.
Be zʼo kwù num lén sàm nà
Mba mba vùkob mʼaʼ biagde.
Kà bin bwôg ben tse boaʼ zwi wut
Ke kuʼni nebiag yôg là.
Fènntù, ntshùb neta nèn miagde
Mʼaʼ tshagdʼo nkum ntùm njù nswe!
(DÙʼ NEBWÔGDE)
Kà bin bwôg yub, me bʼa bo bin.
Bo bweʼde zin kà bin bwôg.
Mʼaʼ béb ngafaʼ àm ze nenùn
Ndañndañ mba kuaʼ nyilag àm.
(Mbèn ndôde Neb. 32:10; Néh. 4:14; Yobk. 59:1; 83:2, 3.)
