1. Ô Nsi, o lèn àm tà nèn miagde,

Ke me nke nzin, ke me nke nô nsi lo.

O zwiʼde ntùʼàm, mbèn nzwiʼde nkwadenu màm,

Ntshob me tshwèt ntshob, mba njoñ mfaʼ màm

o lèn yub fa.

Ngelañ ze bo naʼ mbom àm ntùm tsham

Miag mu naʼ yen, njen nkum mba num mvôg màm.

Bo lo kide bag tse ntùm ñwaʼni o fa.

Me kô, nkuni mfaʼ mu mbèn nyàmde

yu neta.

Ju netshàm, Tà, yu zenu be mfà fétwut;

Yennà bʼa ju ndù me lèn kuaʼ mebwô.

A be me bwôg mbe njam nsi kabtʼàm, ndem àm,

Ywèt tsho me Tà, nsi yen àm mba ntùm njam.

Be me lem à yà mbwe o Yaweh,

Be me ghù ke, mbʼo diag àm ke yen di?

Me sweʼ ntùm fi, kà me koʼ mve kamànyam,

Ntùm njam, ntùm dibantse moʼ dùʼ

nelem ke bwe.