KWI 75
“Tshù me li! Tum àm!”
-
1. Benntùn sènni tshwèt nsaʼ bo mbén
lén Yaweh Nsi, lén se nelàne.
Bo mbe Nsi bot; mbʼa ngazwimèn.
Nkagni tshob ndù: “Nsi keʼ be bwe.”
We zʼaʼ sôgde lén Yaweh Nsi?
Mbèn njob ze ghamde njoñ dùʼ fa?
(DÙʼ NEBWÔGDE 1)
‘Tshùaben me li! Tum àm, tum àm!
Mʼaʼ yob yu ghamde bo bamntù.
Nkuʼni keʼ be mbwe yen ni, Tshùaben.
Tshù me li! Tum àm, tum àm!’
-
2. Benntùn mbe Nsi bʼa ngafikèt;
Nebwôg Nsi keʼ be ntùm ntù tshob.
Mbeʼyàm tshwèt ngamde ba nsi ndoñ;
Tsemoʼ te Kàsà num diañ Nsi.
We zʼaʼ te bu num tshùagkèt mèn?
Soñ ndù ntsho yantù Nsi tshwèt nseʼ?
(DÙʼ NEBWÔGDE 2)
‘Tshùaben me li! Tum àm, tum àm!
Mʼaʼ soñ yu nkùn, mʼaʼ soñ ke bwôg.
Nkuʼni keʼ be mbwe yen ni, Tshùaben.
Tshù me li! Tum àm, tum àm!’
-
3. Ghabétni sèn tshwèt nkuaʼ nke mfém
Nummbe ngeʼ tshwèt nke nsin nèn mbwe.
Ntù tshob zʼa dun bo nunetsine
Tshwèt ndiag nenùn bo fide ntùn.
We zʼaʼ nèn mfà fide ntù bo?
Ywimde yub nediag nunetsine?
(DÙʼ NEBWÔGDE 3)
‘Tshùaben me li! Tum àm, tum àm!
Mʼaʼ nèn ntswide ba fà wut nsi.
Nkuʼni keʼ be mbwe yen ni, Tshùaben.
Tshù me li! Tum àm, tum àm!’
(Mbèn ndôde Yobk. 10:4; Ez. 9:4.)
