1. Yaweh Nsi bʼa yu ndàlem

Yu Nsi, yab ntù num i

Mbàb mi bʼa kuaʼ yu ndàlem;

A bwô o tswe ntùm bwe.

A nsi kwé ghafaʼ tse ntùm ngeʼ.

Ju keʼ kuʼni netshèt ze ngùʼ.

Yaweh Nsi bʼa taʼ ndàlem

Nsi nenùne, bwôntù, nu ndañndañ.

2. Ben ntshaʼ mbùm nsi gwù mbañ o

Ntshaʼ gham bag buʼo ze zwim,

Ben netsine, ba fà wut nsi

Nenùne, bo ke nsi nywin.

Là kà fañ bwôg naʼ nyiʼde ntùʼo;

Sàm ngeʼ ke nsi ghebte yôg so.

Aʼ kel o num netshèttʼo,

Bam mbàb mi oaʼ tswe njuʼ fide.

3. Aʼ tshùbtʼo, aʼ bèn ntshèttʼo

Mbùʼ ywiʼ num manze tsho,

Mbùʼ ba nkô bo maʼ mbwôgtshù,

Fétwut zʼa be tèttsweʼ.

Moʼ ju ke nsi tèn o o bwôg,

Moʼ dùʼ ke be zʼoaʼ vèt netôg.

Yaweh Nsi bʼa yu ndàlem,

Nke ntshèttʼo num tsho manze fa.