1. Seʼ bo tsiañde, mbèn nziʼ ze nekô Yaweh Nsi.

Ywèt tshwèt ntsiañ o: “seʼ nkwé ntse yôg bànbàn”

Nsi tshwèt mfà tswide, zʼa num mfà fide.

Nzi nenùne ya o, seʼ njù bin ziʼde.

2. Kà bag bin ghuaʼ ba bumde ndùb bo ba ntseʼde,

A bwô ghaziʼde ziʼde nunetsine.

Nzenni bo fèt ben, nzenni bo ywèt Nsi,

Bʼaʼ juʼ ntag zʼaʼ so kù num ben nzenni.

3. Mbʼa num nso kù nejuʼ ben bo tshwèt njob ghamde!

Ntshob ghaziʼde dùmde, ngwa netatte!

Là, bag bin loʼ mfiʼ ke nke nga ntseʼde

Ndoʼ mfiʼ ke tag nebe netèt fèt ben!