Zi’te 9

Ghafa’ Nsi ghù nebe ben tse bo làn nà

Num ke a nke mbètte ndù bag à bin be ben nelàn ntùm njoṅ bag tshu fa à? (1)

Nebe nelàn ntùm ywel à? (2) ngùninu à? (3) nkwatenu à? (4) num wul à, dù’ tswe à? (5)

Ke lén ntshob kelàn mi be ghù neghua’à? (6)

1. Yehovah Nsi làn mbèn ndàn miagte. A kô ndù ghaghamt’é be ben nelàn ntùm ywèle, ngùninu, nkwatenu mba num wut tshobe. (1 Pétro 1:16) Netswe nelàn num miag Nsi tshwèt mbette kagtùn màyame. Bag à bin b’a ntùm njù kelàn. Bag à bin bèn ngù mba neke nzwe bea ghe’te z’a be ntù be neghù nukebwô là. Là a ke’ bwô ndù bag a bin bole.

2. Nelàn ntùm ywèle: A be ze bag a bin kô nefa’ Yehovah là, mba be ke’ ku’ni nebèn nke mbam ntswite mba matnu matghamte kebwô. Bag a bin ghù netum ntùm matghamte kebwô, ke bèn nke ntomt’é mba num zit bag i lo. (2 Korintô 6:14-18; Apokalipse 18:4) Ndùse bag a bin ya zi’te nunenùn mfà num Nsi là, be bàm nà ndù kà ben tse bo num ntswite tatte la fù be.—2 Yohané 10, 11.

3. Nélan ntùm, ngùninu: Yehovah kô ndù ghaghamt’é ke ntshagte wut tshob  njoṅ ngelaṅ fa à mbà benkristô tse nenùn nà. (1 Pétro 2:12) A num njen njoṅ tshu tse be ke mfa’ là fa, mba tse be lem nà. (Héber 4:13) Bag a bin ghù neghua’ kat mba tsemo’ ngùninu kelàn ts’a ntùm njù là.—1 Korintô 6:9-11.

4. Nelàn ntùm nkwatenu: A be ze be yab nkwate nelàn tu be a dun nà, mba ngùninu be nsi làne. (Filipia 4:8) Là, be ke nkwate ba tshu kelàn, mba be nsi fa’ tshu kebwô. (Matio 15:18-20) Be ghù neghua’ ba sa kom zwi ts’a be a so nkwate kelàn tu be là. Be ku’ni neyab nkwate nelàn tu be a dun, njam nezi’te Ntshob Nsi.

5. Nelàn num wut: Ntshùate mba bo b’a ghanze Nsi là, ben Kristô ghù neghù wut tshob mba nzwe tshob be nelàne. A bwô nesôg mbu ngelaṅ o tum fe’ntse, mba num ngelaṅ nejù ke nekwag tshaṅ no. A be z’o ke’ ghù dù’ ze mbén ntse a’ ke ntôg bam bwe naṅ ntùm tô kwot là, mb’a mbwô mb’o ke nstshoṅ mbét nsi. (Nebwôgte 23:12, 13) Nelante num wut num mfà ntswemebwô. Ba’ benkristô ghù nebe nelàne; mba zit ju ndà lo be num ze dù’, ntùm ndà mba nntshundà. A lo mbwô mbe bo ke ndat’à yi mbà mfi’ nelànte là ntùm ta’ taṅla’.

6. Ntshob nelàne: Ghafa’ Nsi ghù neke ntshob nenùn njoṅ ngelaṅ fa. Ghatatte ke nsi tsho ntùm Nufen Nsi. (Efésô 4:25; Apokalipse 21:8) Benkristô ke’ be tshob mbén ntshobe. Bo ke’ be tshob ntshob kagni. Bo ke’ be kù’ ntoṅ mub neju’ ntshob mbét, mba yub tu wut ke’ be tshob lén i. Lag fa’, dù’ ṅwa’ni ke ntùm taṅla’ lo, bo num ntshùa num ntshob mebwô mub ndèn yube.—Efésô 4:29, 31; 5:3.

[Netshaŋ bag fe ki 18, 19]

Ghafa’ Nsi ghù nebe nelàn ntùm njoṅ tshob tshunu fa