Zi’te 15

Neywimte tsemo’ benntùn ndù bo ghù zenekô Nsi

Num ke o nke nsoṅ tsemo’ benntùn ju z’o tswèt nzi’t’à? (1)

O ku’ni neghabte nkùn mebwô à bin we? (2)

Kuzin so ku’ni neghù à ke num tsemo’ benntùn à? (2)

Num zit ngelaṅ o ku’ni ne nèn soṅ nkùn mebwô bien à ntse’t’à? (3)

1. Ndônni, o ya zi’te mbwô mbwô tshu ntùm Bibel. A’ tswe mbe ndù tshen tshu ts’o lèn nà ghù o nke ndiag nebe yu ta’ mènkristô. (Efésô 4:22-24) O be ke ghù yen zenu là, mb’o ke’ ku’ni nekwé yôg matmat. (Yohané 17:3) Ndulala, mba tsemo’ benntùn tshwèt nkù ntù neju’ nkùnmebwô num neyôg yub. A tshwèt mbette mbe njoṅ benkristô tse nenùn fa ke ntshob nkùn mebwô. A b’a ta’ ju ndù Nsi bèn mbette.—Roma 10:10; 1 Korintô 9:16; 1 Timôtio 4:16.

2. O ku’ni ne be to’te, mbwôgmbwe nke ngabte mbwô mbwô tshu ts’o tshwèt nzi’te l’à bin à ben tse bo ghebte mbaṅ o là. Tshob ntùm tunndà o, ba shun tsho, mba ben bin à bo ke mfa’ là. Ke ntshob bo à ntùm nkôni, mbèn ngù fénntù. (2 Timôtio 2:24, 25) Kà lagte mbe benntùn num nte lag sob num mat z’o ghù là ntshùa ntshob mu. Ndùlala matmebwô be ku’ni nesoṅte tsemo’ benntùn ndù bo kù ntoṅ nju’ ju ze be ghù netshob bo là—Matio 5:16; 1 Pétro 3:1, 2, 16.

3. Ngelaṅ z’o nsi ku’ni neke nèn tshag nkùn mebwô, bin à ntse’te ghakwénta Yehovah tse bo be mbaṅ o là nsi ku’u. A b’a ta’ ngelaṅ nebe ke lagte ntùm yu nenèn mbwe ntùm zi’te. (Matio 24:14) A b’a tsiaṅte ndùb wù, a be z’o ywimte yu ta’ mèn a tù’ ngafa’ Nsi, mbèn nkwé ze yôg matmat là!—1 Tésalonikà 2:19, 20.